Kit me Nyuto Magajin

The Watchtower Juni 15

“Kwo pa dano mapol opong ki tic. Jo mukene gineno ni ber; ento jo mukene gineno ni meno obedo gin marac. In kono itamo ningo i lok man? [Mine kare wek ogam. Kwan bote Latitlok 2:24.] Magajin man nyuto kit ma Baibul konyowa kwede pe me keto tamwa dong ducu i kom ticwa keken. Tito bene kit ma watwero lweny kwede ki olo ma bino macalo adwogi me tic matek.”

Awake! Juni 22

“In itamo ni kwo pa jo ma gikwo i kabedowa twero yubbe doko maber ka onongo dano ducu ki acel acel gilubo lok man? [Kwan Jo Epeco 4:28. Ka imine kare me gamone.] Magajin man tito gin marac ma wan ki acel acel wanongo pi lok me kwalo jami ki i dukan. Nyuto bene kit ma kwalo dukan, ki bal mukene ducu dong cok ki gik.”

The Watchtower Julai 1

“Wan ducu wangeyo olo dano mogo ma dong ginen ni gulony ento gin nongo pud ginongo ni gin mo orem i kwogi. In itamo ni ngo ma nongo gin tye ka yenyone? [Mine kare wek ogam. Kwan bote Matayo 5:3.] Magajin man nyuto yo ma pire tek me nongo kuc ma bedo i cwiny ma miyo wayeng i yo me cwiny.”

Awake! Julai 8

“I lobo me kare man ma tic dong odoko nok woko-ni, pol pa dano dong tye labongo tic. Magajin man nyuto yo abic mapat pat me yenyo tic. [Lok i kom coc me wi lok ma kikwoto ma tye ni, “Five Keys to Finding a Job” (Yo Abic ma Nyuto Kit me Nongo Tic.)] Miyo bene tam maber i kit me gwoko dog tic.” Kwan Carolok 22:29, ma lokke kiketo i pot karatac 10.