Nyut Miti i Kom Dano —Ki Yubo Pwonyi Con
1 Yubbe maber ka wacito i pwony weko wabedo ki kare me nyuto miti i kom jo mukene. Man twere nining? Ka wayubbe maber, ci miyo pe walungo tamwa i kom gin ma watye ka pwonyone-ni aye ento weko waketo cwinywa i kom rwed ot. Medo i kom meno, miyo wabedo ki tekcwiny bene dok waloko jami ma a ki i cwinywa. Ento wan watwero yubo lokwa i yo maber nining?
2 Ti ki Kit me Cako Lok ma Rwatte: Ti ki kit me cako lok ma kinyutogi i Ticwa Me Ker me Januari mwaka 2006 ma nongo rwatte ki kwo ma i kabedowu, dok itam kit ma iromo ketone kwede i yoni ma pe ikwano akwana. Wek obed i yo ma rwatte ki kwo me wang ticwu. Me lapore, ka itamo ni iromo rwatte ki dano ma gitye i dini moni nyo dano me rok moni, tam pi kit ma itwero weko pwonyi bedo i yo ma ywayo mitigi. Ka iweko pwonyi bedo ma rwatte ki kwo pa dano, ci nongo nyuto ni itye ki miti i komgi.—1 Kor. 9:22.
3 Ka icako tic ki kit me cako lok moni, ci medde ki yubone wek obed maber ma loyo. Kit macalo acakki lok obedo gin ma pire tek mada-ni, omyero iniang maber kit ma dano gineno kwede cako lokki. Tika gin ma itye ka lok i kome-ni yomo cwinygi? Tika lapeny ma ipenyogi kigamo? Ka pe, ci medde wang ma inongo yo me cako lok ma tiyo.
4 Kony me Poyo Wic: Jo mapol ginongo ni wigi wil woko i kom kit me cako lok moni ka dong gio i nyim doggola. Ka in bene itye kumeno, ci tika dong itemme me bedo ka temo kit me cako lok moni-ni bot lawoti mo? Man twero konyi me makone maber dok miyo icako lokki labongo kit peko mo. Konyi bene me yubbe me tero kit mapat pat ma dano bidok kwede i pwonyi.
5 Yo mukene ma twero konyowa me po, obedo coyo lokke mogo manok i latin karatac mo ma iromo nenone manok ka dong i o cok ki doggola. Jo mukene gunongo ni lapo wic man konyogi weko gibedo ma cwinygi opye mot ma miyo giloko ki dano labongo lworo mo. Pi meno, yubbe maber konyowa me nyuto miti i kom dano dok dongo dirowa me pwonyo kwena maber-ri.