Niyabo—Cobbene me Aura Dong Tye Cok!
1 “Ngat ma kwano lok ma gitito i buk man i nyim lwak tye ki gum, jo ma winyo bene tye ki gum, ki jo ma lubo gin ma gicoyo iye bene tye ki gum, pien kare dong cok.” (Yabo. 1:3) Lok magi nyuto kit ma buk me Niyabo pire tek kwede, tutwalle kit macalo watye ka kwo i kare me cobbe pa pol pa lok pa lanebi ma tye i buk man. Man dong rwatte mada ni wabicako kwano buk me Revelation—Its Grand Climax At Hand! i Cokke me Kwano Buk cakke i cabit me Januari 8, mwaka 2007.
2 Cakke i kare ma wakwano kwede buk me Revelation Climax i Cokke me Kwano Buk ci dong ogik kwede, alokaloka mapol dok otyeko timme i lobo. (1 Kor. 7:31) Medo i kom meno, jo mapol ma pud gudonyo nyen i tic me tito lok me kwena maber me Ker-ri pud peya gunongo ber pa kwano buk me Niyabo tyeng ki tyeng. Kwano buk me Revelation Climax myero okony wan ducu me bedo ma wangwa twolo pi kuro gin ma tye ka bino anyim.—Yabo. 16:15.
3 Ket obed yubbi me bedo tye i kwan man cabit ducu. Jami ma wabikwanogi-ni pe bikonyowa me bedo ma wangwa twolo keken, ento kwena pa Yecu bot kacokke abiro-ni bikonyowa me gwokke ki jami mogo ma twero balo kwowa i yo me cwiny kacel ki ticwa me pwony.—Yabo. 1:11, 19.
4 Yubbe Maber: Ma nongo peya cawa me kwano buk man oromo, kwan kong tyeng ma gitye i buk pa Niyabo ma kibinyamogi. Niang lok ma kimiyo me tito Ginacoya moni ma nongo kitye ka ngiyone-ni maber. Temme matek me nongo niango ma o wa i cwinyi. (Nek. 8:8, 12) Kwany kare me lwodo lok kun ipenye kekeni ni: ‘Ka kany wacca gin ango i kom Jehovah ki yubbe? Aromo timo jami ma rwatte ki yubbe ki dok konyo jo mukene nining?’
5 Mwaka pyera abongwen wiye aryo dong otyeko kato cakke ma “nino pa Rwot” ocakke kwede i mwaka 1914. (Yabo. 1:10) Peko madongo mukemo lobo ma kitito pigi i Niyabo-ni dong tye cok. Kwano buk me Revelation Climax biyabo tamwa ki cwinywa dok jingo niyewa me ngeyo ni ‘lweny me nino madit pa Lubanga Won Twer Ducu’ kacel ki lobo manyen dong tye cok.—Yabo. 16:14; 21:4, 5.