Kit me Nyuto Magajin

The Watchtower Mar. 15

“Dano pol kare giloko pi dwogo pa Yecu Kricito. In itamo ni man obedo gin ma myero wamit binone kece nyo omyero walwor? [Mine kare wek ogam.] Nen kong kit ma Jon ma obedo laco Baibul oloko kwede. [Kwan Niyabo 22:20.] Magajin man tito maber ngo ma dwogo pa Yecu bitimone.”

Awake! Mar.

“Pol lutela lobbe nen calo gubedo luwaka. In itamo ni cwiny ma kit man mono twero kelo kuc kacel ki ribbe i lobo? [Mine kare wek ogam.] Man aye gin ma Baibul waco i kom wakke. [Kwan Carolok 16:18.] Lok ma tye kanyi tito adwogi mabeco ma wanongo ka wabedo jo ma mwol.” Nyut lok ma cakke ki i pot karatac 20.

The Watchtower Apr. 1

“Nino ki nino warwatte ki lapeny mapol i lok ma dok i kom yotkomwa, kwo me odiwa, ki ticwa. In itamo ni waromo nongo lagam matir dok ma tiyo ki kwene? [Mine kare wek ogam.] Nen kong ngo ma Baibul waco i 2 Temceo 3:16. [Kwan.] Magajin man nyutu kit ma Baibul twero konyowa kwede i yo mapol.”

Awake! Apr.

“I but lobbe mapatpat, dano gitamo ni kit pa dano tye ka balle abala. In bene dong ityeko nenone? [Mine kare wek ogam.] Jami ma tye ka timme i kare-ni tye ka cobo gin acel mo ma Baibul oloko pire. [Kwan 2 Temceo 3:2-4.] Magajin man tito gin ma balle pa kit pa dano-ni nyutu ki dok kakwene ma man tye ka tero iye dano.”