Awake! ma Kite Dok Pat ma Kibitero Bot Dano i Novemba!
1 Dano mapol gitye ki lapeny ma a ki cwinygi ma dok i kom ber pa Baibul. Ka dano aye gucoyo, ci pingo dok kilwongo ni Lok pa Lubanga? Tyen lok ango ma tye ma miyo omyero agen Baibul me tiro yo me kwona? Adwogi maber ango ma abinongo ka ce atiyo ki kero kacel ki cawana me kwano Baibul? Baibul mene aye ma myero ati kwede? Magi aye lapeny mogo ma kigamogi i Awake! ma kite dok pat me Novemba ma wi lokke madit tye ni “In Itwero Geno Baibul?”
2 Wamito ni wapok Awake! man ma kite dok pat-ti i kabedo ducu me wang ticwa. Ka twere, nywak i tic me pwony i ot ki ot kacel ki kacokke i Ceng Abicel ducu i dwe me Novemba. Nyut Awake! man bot wadini, jiranini, lutic luwoti, lupwonye, lutino kwan luwoti ki dong jo ma idok cen ka limogi. Wot ki mukene ka icito ka wil nyo i cafari. Kigoyo mapol wek kacokke gunong muromo.
3 Cak Kwano Baibul ki Dano: Ka imiyo magajin man, itwero cibo guti pi cako kwano Baibul ma nongo peya idolo te lokwu. Me labolle, iromo wacci, “Ka adwogo i nino mukene amito anyutti lagam ma Baibul miyo i kom lapeny man ni, ‘Lubanga tye ki yub ango pi lobo?’” Ci dok cen ka lim ki buk me Baibul Pwonyo ka inyut ki rwod ot pot karatac 4-5, nyo wunyam paragraf 1-3 i dul me 3. Gin mukene ma iromo wacone en aye, “Nino ma lacen amito ni wanyam lok pa lanebi mo me Baibul ma tye ka cobbe i kare-ni.” Ka idok cen ka lim, ci nyut ki rwod ot dul me 9 i buk man ka wunyam paragraf 1-3. Nyo iromo waco bot rwod ot ni: “Jo mapol ginongo tek mada me niang gin ma gikwano ki i Baibul. Amito ni anyutti i nino mukene kit ma itwero ngeyo kwede Baibulli maber.” Ka idok cen ka limme, ci nyut buk me Baibul Pwonyo kun inyute kit me kwanone.
4 Baibul keken aye tye ki “coc maleng,” ma miyo wabedo ki ‘ryeko me nongo larre.’ (2 Tem. 3:15) Pi meno, wan ducu wabimito ni wanywak ki mit kom i poko Awake! man ma kite dok pat-ti me konyo dano wek gudong gengi i kom Baibul!