Kit me Nyutu Magajin

The Watchtower Nov. 15

“Wan ducu wamito ni wabed ki yomcwiny dok ki kwo maber. In tika iye gin ma Yecu owaco kany ma dok i kom lagony me nongo yomcwiny? [Kwan Matayo 5:3. Ci imine kare wek ogam.] Magajin man tito maber kit ma cobo miti ma kinywalowa kwede me woro Lubanga kelo yomcwiny i kwowa.”

Awake! Nov.

“I kare man ma diro me cayan kacel ki cwiny me cac tye lamal-li, dano mapol gitamo ni Baibul obedo buk mo ma pe tiyo. In kono itamo iye ningo? [Mine kare wek ogam.] In tika onongo ingeyo ni gin ducu ma Baibul loko ma kubbe ki cayan nongo tye kakare? [Kwan Yubu 26:7.] Awake! man ma kite dok pat-ti miyo tyen lok matir me keto genwa i kom Baibul.”

The Watchtower Dec. 1

“In iromo gamo lapeny man ningo? [Kwan lapeny ma tye i pote ma i nyimme-ni. Ci imine kare wek ogam.] Lubanga tye ki yub me ribo kin dano ducu. [Kwan Jabuli 46:8, 9.] Magajin man nyutu ngo ma Baibul tito i kom kit ma dano biribbe kwede.”

Awake! Dec.

“Jo mukene gitamo ni to obedo doggola me donyo i kwo mapatte; jo mogo gitamo ni obedo agikki pa dano. In itamo ni to obedo gin mo ma myero walwor? [Mine kare wek ogam.] Nen kong kit ma Yubu oloko kwede pi anyimme i nge to. [Kwan Yubu 14:14, 15.] Magajin man tito maber gin ma Baibul waco ni timme i komwa ka wato.”