Tito Kwena Gwokowa i Yo me Cwiny
1. Adwogi maber ango ma tito kwena keliwa?
1 Bedo ki miti i nywako i tic me tito kwena jingowa i yo me cwiny dok bene mediwa yomcwiny. Kono tye ni, wanywako i tic me pwonyi pi yomo cwiny Jehovah. Pi meno, ka walubu cik ma kimiyowa me ‘tito lok me kwena man,’ ci wabinongo mot ma a ki bot Jehovah kacel ki adwogi mukene mabeco. (2 Tem. 4:2; Ic. 48:17, 18) Dong i yo ma nining ma tito kwena jingowa dok keliwa yomcwiny?
2. I yo ma nining ma tic me pwony jingowa kwede?
2 Jingo dok Keliwa Mot: Tito kwena miyo waketo cwinywa i kom mot ma Ker-ri bikelone me kaka bedo ka paro pi peko me kare-ni. (2 Kor. 4:18) Tito pwony ma tye i Baibul jingo niyewa i kom cikke pa Jehovah dok dongo pwocwa pi lok me ada. (Ic. 65:13, 14) Ka wakonyo jo mukene me dongo i yo me cwiny wek pe gubed ‘‘jo me lobo,’’ wan bene wamoko i cwinywa me bedo pat ki lobo.—Jon 17:14, 16; Rom. 12:2.
3. Ticwa me pwony-nyi konyowa me dongo kit pa Lukricitayo nining?
3 Nywako i tic me pwony konyowa me dongo kit pa Lukricitayo. Me labolle, tute me ‘loko kitwa ma lube ki kit ma dano gitye kwede’ konyowa me dongo kit me mwolo. (1 Kor. 9:19-23) Ka waloko ki jo ma ‘kiunugi matek, ma gigoro, calo romi ma lakwatgi pe,’ ci miyo wapwonyo bedo lukica. (Mat. 9:36) Wapwonyo kit me diyo cwiny ka ce wamedde kadi bed dano ginyutu cwiny manok nyo gidagwa. Yomcwinywa medde ka ce wamine me konyo jo mukene.—Tic 20:35.
4. In iwinyo nining i lok ma dok i kom ticci me pwony-nyi?
4 Pud dong obedo twon mot madit atika me timo tic me pwony ma miyo pak bot Ngat acel keken ma opore me nongo worowa! Tic me pwony jingowa. Kelo mot mapol bot jo ma gimine ki cwinygi ducu me ‘tito lok me kwena maber-ri kore ki kore.’—Tic 20:24.