Kit me Nyutu Magajin

The Watchtower April 1

“Tye lok mogo ma kicoyogi ma wacci Yecu pe oto kit ma Baibul waco kwede ento ni en onyomme dok onywalo wa lutino-gu. In tika dong iwinyo kodi lok meno? [Mine kare wek ogam.] Pire tek me ngeyo lok ada. [Kwan Jon 17:⁠3.] Pwony man miyo tyen lok mogo me bedo ki gen ma lubbe ki ngo ma Baibul waco i kom Yecu.” Nyut pwony ma cakke ki i pot karatac 26.

Awake! April

Kwan Jabuli 37:​9-11. Ci ingeye peny ni: “In itamo ni lobo bibedo nining ka lok man ocobbe? [Mine kare wek ogam.] Pwony man loko i kom lok pa lanebi man ma cuko cwiny-nyi dok tito pingo watye ka neno tim maraco mapol adada i lobo i kare-ni.” Nyut pwony ma cakke ki i pot karatac 20.

The Watchtower Mai 1

“In mono dong itemo penye pingo Lubanga weko dano deno can? [Mine kare wek ogam.] Nen kit ma laco Baibul acel mo ocoyo kwede lapeny ma pol pa dano dong gupenye kwede. [Kwan Jabuli 10:⁠1.] Magajin man ngiyo ngo ma Baibul waco i kom gin mumiyo Lubanga weko dano deno can ki dong ngo ma en tye ka timone me kwanyone woko.”

Awake! Mai

“Dano mapol gitye ki mitti me weko mato taa ento ginongo ni tek tutwal. In mono ingeyo ngat mo ma mito wekone? [Mine kare wek ogam.] Jo mukene gunongo ni konyo mada me penyo pi kony pa wadigi ki luremgi. [Kwan Latitlok 4:12a.] Magajin man miyo tam mogo ma tiyo me konyo ngat moni me weko mato taa.”