Yo Maber me Nongo Mit pa Werwa me Ker

Jo pa Lubanga gitero wer calo mic ma pire tek ma oa ki bot Jehovah. (Yak. 1:17) Kacokke mapol gimaro keto werwa me Ker i dwan ma lapiny ma nongo peya cokke ocakke ki dong i ngeye. Keto wer me tiokraci obedo yo mamwonya me jolowa i cokke. Konyowa wek wabed ma wayubbe i tamwa pi woro. Medo i kom meno, keto wer ma pud kigoyo nyen kun kikwanyo ki i buk werwa miyo wamakogi i wiwa dok konyowa me wero wer magi maber. Wer ma kiketogi i nge cokke-ni, miyo waribbe kun waboko lok i kinwa ki yomcwiny. Pi meno, luelda omyero guket yub pi keto wer kun kitiyo ki Sing to Jehovah—Piano Accompaniment, man myero obed ma cokke peya ocakke ki i ngeye. Luelda myero gunen ni pe kiketo dwan wer lamal ma miyo lok pe winye.