Kabedowa me Intanet—Ti Kwede me Kwan Piri Keni ki pi Jo me Ot
Kwan Magajin Manyen Loyo ki i Intanet: Itwero kwano magajin me Wi Lubele ki Awake! ma ketogi i Intanet, con ma nongo pud pe wanongogi i kacokke. Itwero bene winyo magajin ma kimako i dwan keken i leb mogo.—Cit ka ma wacci “Bukke/Magajin.”
Kwan Pwony Mogo ma Nonge i Kabedowa me Intanet Keken: Pwony mogo calo “Pi Jowa Matino,” “Pwonya me Baibul,” “Pwony me Anyama pi Jo me Ot,” ki “Lapeny pa Jo Matino,” dong itwero nongogi i kabedowa me Intanet keken. Cit i Intanet wek ikwan pwony magi i kare me kwani piri keni nyo kwanwu macalo jo me ot.—Cit i “Pwony me Baibul/Lutino” (“Bible Teachings/Children”) nyo “Pwony me Baibul/Jo me Mwaka Apar Wiye” (“Bible Teachings/Teenagers”).
Kwan Lok Angeya Manyen Loyo: Kwan ripot ki jami mutimme ma cuko cwiny dok inen vidio macek cek ma nyuto kit ma ticwa tye ka dongo kwede i wi lobo ducu. Ripot i kom peko ma poto atura ki aunauna, gitwero konyowa me keto omego ma gitye i pekki magi i legawa. (Yak. 5:16)—Cit i “Lok Angeya”(“News”).
Kwed Lok kun Itiyo ki Laibrari me Intanet: Ka tye i leb ma iloko, itwero tic ki kompiuta nyo cim cing me kwano ginacoya me nino ducu ki Intanet nyo me kwedo lok i bukkewa ma pud okatti cokcok-ki.—Cit i “Bukke/Laibrari me Intanet nyo co www.wol.jw.org i kabedo me coyo adrec.
[Dayagram i pot karatac 4]
(Pi kit ma kiyubo ni onen kwede, nen buk)
Tem Tic Kwede
1 Gwel cal ma tye nyo kabedo ma wacci “Kwany.” Cal man nyutte macalo PDF. Cwal i printa dok iti ki karatac ma irudo-ni me pwonyo latinni.
2 Gwel ka ma wacci “Tuk” me neno vidio.