Tika Iromo Lwongo Dano Mapol?

I kacokke mapol lutit kwena mogo pe gitiyo pi cawa malac pi two nyo pien dong guti woko. (2 Kor. 4:16) Tika iromo tero jo macalo magi i kwan ki lutino kwan me Baibul megi? Ka latit kwena mo tye ki two ma pe romo weko paco, waromo kelo latin kwanwa bote ci wakwano kacel kwede i pacone. Tika iromo keto yub me tero latit kwena magoro i tic me tito kwena i ot ki ot pi cawa mo manok? Lutit kwena ma dong guti gitye ki ngec mapol i ticwa me pwony. Pi man, tute-ni pe bibedo me cuko cwinygi keken. In bene ibinongo adwogi maber ki botgi. (Rom. 1:12) Medo i kom meno, tute-ni me nyuto mar biweko Jehovah mini mot.​—⁠Car. 19:17; 1 Jon 3:​17, 18.