Ngo ma Ibitimone i Kare me Yweyo me Nino Madito?

Kit ma pol pa dano nongo pe gicito ka tic i nino madito me dini nyo lobo moni, meno aye obedo kare maber me nywako i tic me pwony. Kicuko cwiny kacokke me keto yub ma kite dok pat pi miyo caden i yweyo me nino madito. Ka ce tye ni pol pa dano ma i wang ticwa pe gico con tutwal, ci bedo ber me loko cawa pi cokke me cito ka pwony. Kiromo miyo lok angeya i kare me Cokke me Ticwa, wek dano gunge ka yub mo ma kite dok pat tye pi miyo caden i nino madito kun kicuko cwiny jo ducu ma gitwero me nywako iye. Ngene kene ni, nino madito bene miyowa kare me yweyo nyo me cobo jamiwa mogo. Ento, me kaka balo nino meno ducu i mato yamo, pingo pe ipok cawani mogo me cito i tic me pwony? Ka itimo kit meno ci ibinongo yweyo ki yomcwiny ma bino pi nywako i tic pa Lubanga.—Mat. 11:29, 30.