Rwec me Lwongo Dano pi Nipo Bicakke i Marci 22

I mwaka-ni rwec me lwongo dano pi Nipo bicakke i Ceng Abicel me Marci 22. Kicuko cwiny dano ducu me nywako i rwec man. I tum pa cabit ducu wabibedo ka miyo magajin manyen bene ka twere. I Ceng Abicel mukwongo me April, wabiketo cwinywa i poko karatac me lwongo ma ka cako kwano Baibul ki dano. Ento ka wanongo ngat mo ma tye ki miti matek, waromo cako kwano Baibul kwede. Lanen wi tic bimoko ka ce poko karatac me lwongo i kabedo ma guro wi lwak mapol twero konyo jo me kacokke me nongo pol pa dano ma tye i wang ticgi. Co piny nying jo ma imito lwongogi calo wadini, lutic luwoti, lutino kwan luwoti, ki jo ma idok cen ka limogi, wek imi botgi karatac me lwongo ka rwec ocakke. Wageno ni jo mapol gibinywako kwedwa i kwer me Nipo ma onyuto mar pa Jehovah gin ki Yecu ma lapore pe.—Jon 3:16; 15:13.