Kit me Cako Lok

Watwero Nongo Lagam me Lapeny ma Pigi Tego ki Kwene?

Mi trak man bot rwod ot wek onen wi lokke ci iwacci: “Apwoyo ba. Watye ka poko karatac me rweyo dano pi kwena mo ma pire tek adada. Megi en.”

Ka itye ka weko trak man i paco ma dano peke iye, ban maber ci iket ka mo ma dano mukene pe neno.

Ka rwod ot onyuto miti nyo odok i lokki maber, iromo penyo en ki lapeny mogo ma tye i nyim pot karatac me trak. Yab i trak, ci inyut bote gin ma Jabuli 119:144, 160 waco. Tit bote ni trak meno tye ki ngec i kom Kabedowa me Intanet ma twero konyo en me nongo lagam ma Baibul miyo. Iromo nyuto bote vidio macek ma tye i Kabedowa me intanet ma wi lokke tye ni “Why Study the Bible?” Ma peya ia nyut bote lapeny adek ma tye i pok nge trak ci ipenye mene ma gudo cwinye loyo. Penye ka itwero dwogo cen bote nino mukene wek inyutte kit me nongo lagamme ki i Baibul kun itiyo ki jw.org. Ka idok cen bote, wunyam lagamme kun wucito i te wi lok me BIBLE TEACHINGS > BIBLE QUESTIONS ANSWERED.

Ka wutye ka poko karatac lwongo me gure me rijon, mi karatac me lwongo bot rwod ot ka dok imine trak bene ci iwacce ni, “medo i kom man, amini bene karatac me lwongo pi yub mo ma pire tek ma tye pi dano ducu ma bibedo cokcok-ki.”

Wi Lubele Agucito 1

I tum pa cabit, ka itye ka poko Wi Lubele iromo wacci “Wamito bene mini magajinwa manyen-ne. Wi Lubele man gamo lapeny calo magi, Lubanga tika ada paro piri?”

Awake! Agucito

I tum pa cabit, ka itye ka miyo magajin, oporre me waco bot rwod ot ni: “Wamito mini magajinwa manyen-ne. Awake! man gamo lapeny calo magi, Dano twero bedo jo ma kelo kuc nining?”