“Lok Magi Ducu . . . Wubiketo i Cwinywu”

Lunyodo girom aroma ki lukwat. Gin myero gugwok lutinogi maber, ka pe ci lutino rweny woko dok gitwero poto i peko. (Car. 27:23) Lunyodo gitwero cobo ticgi man nining? Gin myero gukwany kare me lok ki lutino nino ducu wek gunge gin ma tye i cwiny ki tam pa lutino. (Car. 20:5) Dong, lunyodo myero guti ki jami gedo ma pe wang wek gujing niye pa lutinogi. (1 Kor. 3:10-15) Vidio me “These Words . . . Must Be on Your Heart” nyuto kit ma woro pi jo me ot pire tek kwede. Wun kacel calo jo me ot, ci wunyam lapeny magi.

(1) Ngo ma oweko jo me ot pa Omego Roman onongo pe giketo cwinygi i lok kom woro Lubanga? (2) Pingo temme pa Omego Roman me doro woro pi jo me ot pe onyako nyige i acakkine? (3) Yo maber ango ma twero bedo me kony ka itye ka pwonyo lutinoni? (Nwo. 6:6, 7) (4) Ngo ma twero konyo jo me ot wek gunywak lok i kingi? (5) Kodi jalle ango ma lutino gimito ki bot lunyodogi? (6) I yo ango ma Omego ki Lamego Barrow gugudo kwo pa jo me ot pa Omego Roman maber? (Car. 27:17) (7) Ngo ma lawi ot myero otim con wek woro me ot obed maber? (8) Gin ango ma Omego Roman otimo pi yubo kwo pa jo me ode? (9) Pingo bedo ki woro pi jo me ot labongo keng pire tek? (Ep. 6:4) (10) Tam mabeco ango ma waromo tic kwede i worowa pi jo me ot? (11) I yo ma nining ma Omego Roman odiyo cwinye dok ocung matek i kare ma tye ka konyo Marcus me niang ni timo jami matir pire tek? (Jer. 17:9) (12) I yo ma nining ma Omego ki Lamego Roman gukonyo Rebecca me moko tam matir i kom laremme Justin? (Mar. 12:30; 2 Tem. 2:22) (13) Omego ki Lamego Roman gunyuto niye nining i kare ma gitye ka moko tam me loko kwogi? (Mat. 6:33) (14) I yo ma nining ma vidio man onyuto ni pire tek mada pi luwi odi me konyo jo me odigi i yo me cwiny? (1 Tem. 5:8) (15) Macalo lawi ot tam ango ma dong imoko?

NGEC BOT LUWI ODI: Goga man ma kwako kwo me kareni kinyuto i gure me rijon me mwaka 2011. I kare meno, tika ineno ka ma myero iket iye alokaloka i worowu pi jo me ot? Ento kombeddi kono? Ka pud dok alokaloka mukene mitte, tim ber iket i lega dok itim gin ma mitte wek jo me otti ducu gunong kwo ma pe tum.—Ep. 5:15-17.