TUTE MATEK I TIC ME PWONY
Dongo Dirowa i Tic me Pwony—Yub Kit me Miyo Magajin
GIN MUMIYO PIRE TEK: Kadi bed kit me cako lok ma tye i yub me cokke twero bedo me kony mada, ento obedo mere tam ma kimiyo. In omyero iti ki lok ma megi. Oromo bedo ni itye ki tam mapat me cako lok ma nongo rwatte ki kwo ma kabedowu. Ka tye, ci i nge kwano magajin, nen kong kit me cako lok, ka dok inen vidio ma nyuto kit me cako lok, ka dong iromo tic ki tam ma kimiyo kany me yubo kit me cako lok piri keni maber.
KIT ME TIMONE:
Penye kekeni ni, ‘Tika an amito tic ki kit me cako lok acel ma kimiyo-ni?’
EYO
Yub lok mukwongo ma ibiwacone. I nge moto mot, tit tyen lok me limmi i yo macek. (Me labolle: “An abino ka limowu pien . . . ”)
Tam lok ma ibiwacone i nge penyo lapeny, i nge kwano ginacoya, ki dong i nge miyo magajin. (Me labolle: Me donyo i ginacoya, iromo wacci, “Lagam i kom lapeny meno nonge i ginacoya man.”)
PE
Yer pwony mo ki i magajin ma gudo cwinyi ki ma bigudo cwiny dano me wang ticwu bene
Mok tammi i kom lapeny ma tugo cwiny dano ma ibipenyone me cako lok, ento lapeny meno pe myero okel lewic i kom rwod ot. (Me labolle: Lapeny ma katti i pot karatac 2 me magajin.)
Yer Ginacoya ma ibikwanone. (Ka ibinyuto magajin me Awake! iromo yero me kwano ginacoya nyo pe, pien magajin man kiyubo pi jo ma gitye ki ngec manok i kom Baibul dok mukene pe gigeno dini.)
Yub lok mo macek ma tito kit ma rwod ot binongo kwede adwogi maber ki i kwano pwony man
I YO MAGI DUCU
Yub lapeny ma ibigamone ka idok cen ka lim
Co piny lok ma twero konyi wek wi pe owil i kom gin ma imito wacone ka idok cen