Wi Lubele ma i LAIBRARI ME INTANET

LAIBRARI ME INTANET

mwb16 April pot 3
Jing Cwiny Jo Mukene ki Loko Lok me Kica

Kwowa ki Ticwa Macalo Lukricitayo—Yub me Cokke (2016)

mwb16 April pot 3

LONYO MA TYE I LOK PA LUBANGA | YUBU 16-20

Jing Cwiny Jo Mukene ki Loko Lok me Kica

Lok pa lami tam myero ojing cwiny jo mukene

16:4, 5

Yubu onongo cwinye otur dok tye ki arem, pi meno en onongo mito kony ki cuko cwiny ki bot jo mukene
Lurem Yubu adek-ki pe guwaco gin mo me kweyo cwinye. Me ka meno, gin gukelo koko gobagoba i kome dok gumedo par ameda i cwinye.

Lok maraco ma Bildad oloko omiyo Yubu okok ki cwercwiny

19:2, 25

Yubu okok bot Lubanga wek enong yweyo mo—kadi bed to
Yubu oketo cwinye i kom gen me nicer dok omedde ki ciro can kun gwoko gennene

Erifaji tye ka lok bot Yubu, kun Bildad ki Jopar ginene

JO MA GUKELO KOKO GOBA I KOM YUBU

Erifaji:

Romo bedo ni oa ki i Teman ma tye i lobo Edom. I Jeremia 49:7, kiloko i kom Teman ni obedo kabedo ma lumi tam me Edom gia ki iye
Nen calo Erifaji aye onongo ngat ma mwakane ki rwomme dit loyo i kin “lurem” Yubu adek-ki, dok en aye okwongo lok. En oloko tyen adek mapatpat dok lokke obedo maboco loyo pa co aryo mukene-ni

Goba ma en owaco:

Ocayo gwoko genne pa Yubu dok owacci Lubanga pe geno kadi wa luticce (Yubu 4, 5)
Owacci Yubu okette malo pire kene, kite rac dok pe lworo Lubanga (Yubu 15)
Okok i kom Yubu ni obedo laworo dok tero dano i yo marac dok bene owacci dano konye pe bot Lubanga (Yubu 22)

Bildad:

Lakwar Cua. Oromo bedo ni en onongo bedo cok ki Kulu Euprate
En obedo ngat me aryo ma oloko. En oloko tyen adek dok lokke obedo macek ento maraco loyo pa Erifaji

Goba ma en owaco:

En owacci lutino pa Yubu gutimo bal dok can opoto i komgi ma oporo balgi, dok bene owacci Yubu pe lworo Lubanga (Yubu 8)
En owacci Yubu obedo latim bal (Yubu 18)
En owacci dano gwoko gennene nyong (Yubu 25)

Jopar:

Lanaamat, ma nen calo oa ki i lobo Arabia
En aye obedo dano me adek ma oloko dok okok i kom Yubu ki loko lok maraco loyo pa co aryo mukene ca. En oloko tyen aryo keken

Goba ma en owaco:

En okok i kom Yubu pi loko lok ma tere pe dok owacce ni owek timo bal (Yubu 11)
Owaco ni Yubu kite rac dok maro timo bal (Yubu 20)