Mwaka 100 Mukwongo me Loc pa Ker-ri

Jo ma gimito bedo i te loc me Ker pa Lubanga omyero gupwony jami ducu ma gitwero i kom Ker-ri ki gin ma dong otyeko cobone. Pingo? Man bijingo niyegi ni Ker pa Lubanga tye ka loc dok bitugo cwinygi me tito kwena maber me Ker pa Lubanga. (Jab 45:1; 49:3) Ka itye ka neno vidio me The Kingdom—100 Years and Counting, yeny lagam pi lapeny magi:

1. Jo ma guneno cinema me “Photo-Drama of Creation” gunongo adwogi maber ango?

2. Kitiyo ki redio nining me tero kwena maber bot dano?

3. Yo ango mukene ma kitiyo kwede me tito kwena maber-ri, dok man okelo adwogi ango?

4. Pwonye mapat pat ango ma kimiyo bot utmege wek gudok lutit kwena mucwiny?

5. Pwonye ango ma kimiyo bot lutino kwan me Cukul me Gilead?

6. Kitiyo ki gure madito nining me pwonyo jo pa Jehovah?

7. Ngo ma moko boti ni Ker pa Lubanga tye ka loc?

8. Wanyuto nining ni wacwako Ker pa Lubanga?