Pwony ma Lubanga Miyo Rwenyo Apokapoka Woko

Jehovah pe poko kin dano. (Tic 10:34, 35) En jolo jo “ma gua ki i rok ducu, ki i kaka ducu, ki dano ducu me wi lobo, ki leb ducu.” (Yabo 7:9) Pi meno, cwiny me apokapoka myero obed pe i kacokke pa Lukricitayo. (Yak 2:1-4) Pi pwony ma Jehovah miyo, watye ka nongo mit pa paradicwa me cwiny ka ma waneno kit ma dano gilokke kwede. (Ic 11:6-9) Ka watiyo matek me kwanyo apokapoka woko ki i cwinywa, wabinyuto ni watye ka lubo kit pa Lubanga.​—Ep 5:1, 2.

NEN VIDIO MA WIYE TYE NI JOHNY KI GIDEON: YAM GUBEDO LUMONE, MAN GUDOKO OMEGE. I NGEYE, WUGAM LAPENY MAGI:

• Pingo pwony ma Lubanga miyo ber kato tute pa dano me jwayo cwiny me apokapoka woko?

• Ngo ma gudo cwinyi ka odok i kom ribbewa macalo utmego i twok lobo lung?

• I yo ango ma ribbewa macalo Lukricitayo kelo kwede deyo bot Jehovah?