Kit me Cako Lok

Lapeny: Ngo ma itamo ni obedo mic ma pire tek loyo ma Lubanga omiyowa?

Ginacoya: Jon 3:16

Mi Wi Lubele: Magajin me Wi Lubele man nyamo tyen lok mumiyo Lubanga ocwalo Yecu i lobo me to piwa, ki dong kit ma watwero nyuto kwede pwocwa pi mic meno.

Lapeny: [Nyut nyim trak.] Itwero gamo lapeny man nining? Ker pa Lubanga obedo gin mo ma i cwinyi? lok mo ata? nyo gamente ma i polo?

Ginacoya: Dan 2:44; Ic 9:6

Mi Trak: Trak man tito gin ma Ker pa Lubanga twero timone piri.

Mi Karatac me Lwongo: Watye ka lwongo dano pi yub mo ma pire tek adada. [Mi karatac me lwongo.] I nino dwe 11 me April, dano milion mapol i wi lobo ducu gibicokke kacel me po pi to pa Yecu ki winyo pwony me Baibul i kom kit ma tone twero kelo adwogi maber botwa. Karatac me lwongo man nyuto cawa ki kabedo ma cokke man bibedo iye. Wabibedo ki yomcwiny ka iribbe kwedwa.