Bed Ngat ma Kwano Baibul i Yo Matut

Tika imito bedo ngat ma lagen i kare me atematema calo Daniel? Daniel onongo keto cwinye ka kwano Lok pa Lubanga, kadi wa lok pa lunebi ma tere tut. (Dan 9:2) Kwano Baibul i yo matut twero konyi me bedo lagen. I yo ma nining? Twero jingo niyeni ni cikke pa Jehovah ducu bicobbe kakare. (Yoc 23:14) Romo bene dongo marri pi Lubanga, ma meno bicuko cwinyi me timo gin ma atir. (Jab 97:10) Ento, myero icak ki kwene? Nen kong tam mogo ma kimiyo kany.

• Ngo ma myero akwan? Yub me kwan maber kwako yubbe pi cokke. Itwero nongo adwogi maber ki i kwan me Baibul me cabit moni ka ikwanyo kare me kwedo lok mogo ma pe iniang iye. Medo i kom meno, jo mukene giyero me medo ngecgi i kom lok pa lunebi me Baibul, but nyig ma nyak pi cwiny maleng, wot pa lakwena Paulo macalo lamiconari, nyo cwec pa Jehovah. Ka itamo i kom lapeny mo me Baibul, co piny ci ikwed lok iye i cawani me kwan.

• Atwero nongo ngec ki kwene? Nen jami mogo i vidio me Jami me Kwedo Lok pi Nongo Lonyo me Cwiny. Ti ki jami magi me kwedo lok i kom lapeny man; lee ma gitito pigi i Daniel cura 7 gicung pi oteka mene ma guloyo lobo?

• Myero ati ki cawa ma rom mene pi kwan? Kwan kare ki kare pire tek me bedo ki wat maber ki Lubanga. Iromo cakone ki kwan pi cawa manoknok, ci ka mitte, itwero medo cawa ma itero motmot. Kwano Lok pa Lubanga tye calo yenyo lonyo ma gikano; ka iwoto ki nongo lonyo, ci mitini me yenyone bene bimedde! (Car 2:3-6) Mitini pi Lok pa Lubanga bimedde, dok kwano Baibul kare ki kare bibedo yo me kwoni.​—1Pet 2:2.

LEE MA GITITO PIGI I DANIEL CURA 7 GICUNG PI NGO?

• 

  Dan 7:4

• 

  Dan 7:5

• 

  Dan 7:6

• 

  Dan 7:7

LAPENY MUKENE:

Daniel 7:8, 24 ocobbe nining?

LOK AKWEDA MUKENE:

Lee ma gitito pigi i Niyabo cura 13 gicung pi ngo?