‘Wuki Piny’

25:1-12

Kadi bed carolok ma Yecu obolo i kom anyira apar-ri kwako tutwalle lulub kore ma kiwirogi, ento lokke bene gudo Lukricitayo ducu. (w15 3/1 13-17) “Wuki [piny], pien pe wungeyo nino kadi wa cawa.” (Mat 25:13) Tika itwero tito tyen lok me carolok man?

• Lanyom (tyeng 1)​—Yecu

• Anyira ma luryeko dok guyubbe (tyeng 2)​—Lukricitayo ma kiwirogi ma guyubbe me tiyo ticgi ki gen dok giryeny calo lakalatwe nio wa i agikki (Pil 2:15)

• Woo ni: “Nen lanyom dong bino!” (tyeng 6)​—Lanyut ma moko ni Yecu dong ocako loc

• Anyira ma luming (tyeng 8)​—Lukricitayo ma kiwirogi ma gucito ka rwatte ki Lanyom, ento pe gubedo ma wanggi twolo dok pe gugwoko gennegi

• Anyira ma luryeko gukwero miyo moo-gi (tyeng 9)​—I nge keto lanyut me agikki i tur nyim Lukricitayo ma kiwirogi ma gubedo lugen, gin dong pe gibibedo ki kare me konyo luwotgi ma pe gugwoko gennegi

• “Lanyom obino” (tyeng 10)​—Yecu bibino ka ngolo kop tung i agikki me twon can madit atika-ni

• Anyira ma giryek-ki gudonyo kacel ki lanyom i karama me nyom, ci kiloro doggola woko (tyeng 10)​—Yecu bicoko jo ma kiwirogi ma gubedo lugen i polo, ento luwotgi ma pe gugwoko gennegi-ni gibikeng mot me cito i polo