Kadi bed kwer me Kato onongo pe cimo Nipo, ento pud watwero nongo pwony mapol ki i kwer me Kato. Me labolle, lakwena Paulo olwongo Yecu ni “latin romowa me Kato.” (1Kor 5:7) Kit macalo remo latin romo ma kireyo i kom okar doggola olaro kwo pa dano, remo pa Yecu bene laro kwowa. (Nia 12:12, 13) Ki bene, pe kituro kadi wa cogo acel pa latin romo ma kicamo i kwer me Kato. I yo acel-li, pe kituro cogo mo keken pa Yecu, kadi bed meno onongo obedo cik me tekwaro ma Lujudaya gilubo ka kineko dano.—Nia 12:46; Jon 19:31-33, 36.