KWOWA MACALO LUKRICITAYO
Tito Kwena ki Pwonyo Dano—Pigi Tego Adada me Loko Dano Wek Gudok Lupwonnye
Yecu ociko lulub kore ni guciti gulok dano wek gudok lupwonnyene. (Mat 28:19) Man kwako tito kwena ki pwonyo dano. Kare ki kare, wan ducu omyero wapenye kekenwa ni, ‘Ngo ma myero ayubi ka odok i tic me tito kwena ki pwonyo dano wek gudok lulub kor Yecu?’
TITO KWENA
Ma kaka kuro dano ni gubin botwa, wan aye omyero wayeny jo ma “myero.” (Mat 10:11) Ka watye ka nywako i tic me pwony, tika wabedo atera me lok ki jo ma ‘warwatte kwedgi’? (Tic 17:17) Ludia odoko lapwonnye pien Paulo obedo ka keto cwinye i ticce me tito kwena.—Tic 16:13-15.
“Co kodini i odiko, dok i otyeno bene kit meno pe ijuk cingi ka tic” (Latit 11:6
NEN VIDIO MA WIYE TYE NI ‘PE IWEK’ TITO KWENA—MIYO CADEN MA PE IYUBBE IYE KI I OT KI OT, CI IGAM LAPENY MAGI:
I kwone me nino ducu, Camuel onyuto nining ni etye ka coyo kodi me ada ki mit kom i cwiny dano?
Pingo myero watute i yo ducu mapatpat me tito kwena?
Angagi ma itwero nywako lok ada kwedgi i kwoni me nino ducu?
PWONYO DANO
Wek walok dano me doko lupwonnye, pe myero waminigi ginakwana keken. Me konyogi wek gudong i yo me cwiny, myero wadok cen ka limogi kun wakwano Baibul kwedgi. (1Kor 3:6-9) Ento ket kong ni tutewa me pwonyo ngat moni ki lok me ada me Ker-ri pe onyako nyige kono? (Mat 13:19-22) Myero wamedde ki yenyo jo me cwinygi tye calo “ngom maber.”—Mat 13:23; Tic 13:48.
“Yam acoyo kodi, Apolo oonyo iye pii, ento Lubanga omiyo odongo” (1Kor 3:6)
NEN VIDIO MA WIYE TYE NI ‘PE IWEK’ TITO KWENA—I DYE LWAK KI LOKO DANO ME DOKO LULUB KOR YECU, CI IGAM LAPENY MAGI:
Solomon ki Mary guonyo pii i kom kodi me ada ma kipito i cwiny Ejekiel gin ki Abigail nining?
Yub ango ma myero wabed kwede ka watye ka nywako i yo me tito kwena mapatpat, kadi wa miyo caden i dye lwak?
Watwero keto cwinywa i tic me pwonyo jo mukene ki lok ada nining?