Lub Lanen pa Kricito

Yecu oweko botwa lanen maber me aluba, tutwalle ka watye ka wok ki i atematema nyo aunauna. (1Pet 2:21-23) Kadi bed dano guyete, ento en pe oyetogi, kadi wa i kare ma en tye ka deno can. (Mar 15:29-32) Ngo ma okonye me cirone? En omoko tamme me timo miti pa Jehovah. (Jon 6:38) En bene oketo cwinye i kom “yomcwiny ma giketo i nyime.”​—Ibru 12:2.

Ngo ma myero watimo ka gitye ka unowa pi niyewa? Lukricitayo me ada pe ‘giculo wang gin marac ki gin marac.’ (Rom 12:14, 17) Ka waciro atematema kit ma Kricito ociro kwede, ci wabedo ki yomcwiny pien nongo watye ki cwak pa Lubanga.​—Mat 5:10-12; 1Pet 4:12-14.

NEN VIDIO MA WIYE TYE NI NYING JEHOVAH PIRE TEK MA LOYO DUCU, CI IGAM LAPENY MAGI:

• I yo ango ma Lamego Pötzingera otiyo kwede ki cawane i yo maber i kare ma kikete kene i ot buc?

• Peko ango ma omego Pötzinger gin ki dakone guciro i kare ma gitye i kam mapatpat ma kigwoko iye lumabuc?

• Ngo ma okonyogi me cirone?