Mar Nyuto Lukricitayo me Ada​—Bed ki Yomcwiny i Lok Ada

GIN MUMIYO PIRE TEK: Calo Yecu, wan bene omyero wami caden i kom lok ada madok i kom yub pa Lubanga. (Jon 18:37) Kadi bed wakwo i lobo ma opong ki tim maraco ki lok goba, ento wan omyero wabed ki yomcwiny i lok ada, walok lok ada, kun waketo tamwa i gin ducu ma tye ada.​—1Kor 13:6; Pil 4:8.

KIT ME TIMONE:

• Mok tammi pe me winyo nyo loko lok anii.​—1Tec 4:11

• Pe ibed ki yomcwiny ka peko opoto i kom ngat mo

• Nong yomcwiny i kom jami matir dok ma cuko cwiny dano

NEN VIDIO MA WIYE TYE NI “WUMARRE I KINWU”​—CWINYI PE OBED YOM PI TIM MA PE ATIR, ENTO I LOK ADA, I NGEYE GAM LAPENY MAGI:

• I yo ango ma Debbie ‘cwinye obedo yom i kom tim ma pe atir’?

• Alice owiro lokke ki Debbie nining wek obed me cuko cwiny?

• Jami mabeco ango ma watwero lok iye?