Anga ma Abilwongo?

Mwaka ki mwaka watute me lwongo dano ma i wang ticwa wek guribbe kwedwa i kwer me Nipo. Polgi obedo jo ma pe wangeyogi. Ento myero bene walwong jo ma wangeyogi. Pol kare, jo ma ginongo waraga me lwongo ki bot jo ma gingeyogi gibino i kwer man. (yb08-E 11 para. 3; 14 para. 1) Angagi ma itwero lwongogi?

• Wadini

• Lutic luwoti nyo lutino kwan luwoti

• Jiranini

• Jo ma guye ni wadok cen botgi, jo ma wakwano kwedgi Baibul con ki dong ma watye ka kwan kwedgi

Medo i kom meno, luelda gibilwongo jo ma ticgi pi Jehovah okwe woko. Ento ka ngat ma ingeyo pe bedo i wang ticwu kono? Itwero niang cawa ki kabedo ka ma kwer me Nipo bibedo iye ka ma en bedo iye ka idiyo LOK MADOK I KOMWA i jw.org dok iyero “Nipo.” Ka itye ka yubbe pi Nipo, nen anga ma itwero lwongone, ci itere karatac me lwongo.