Parao pe Ongeyo ni Etye ka Konyo i Cobo Yub pa Lubanga

8:15, 18, 19; 9:15-17

Parao me Ejipt onongo nenne kekene ni en lubanga. Man konyowa me niang tyen lok ma oweko Parao onongo tye ki cwiny me awaka dok okwero winyo lok pa Moses ki Aron kadi wa pa lutyette.

Tika iwinyo tam pa jo mukene? Tika ibedo ki pwoc ka ngat mo omini tira? Ke ce iwinyo calo jami ducu ma itimo tye kakare? “Wakke tero dano i can.” (Car 16:18) Pire tek adada me gwokke ki cwiny me awaka!