Gwokke ki Rweyo Lok Goba

I kare-ni, kitwero cwalo ngec bot dano milion mapol oyotoyot adada kun kitiyo ki gajeti akwana, redio, telebijon ki dong Intanet. Jo ma giworo “Lubanga me ada” pe gimito rweyo lok goba kadi bed gutimo meno labongo ngeyone. (Jab 31:5; Nia 23:1) Ka warweyo lok goba ci twero kelo adwogi marac adada. Ka imito niang ni lok moni tye ada, penye kekeni ni:

• ‘Lokke tika oa ki bot ngat ma genne?’ Gwok ngat ma oboko lok meno pe ngeyo jami ducu mutimme. Pol kare, kimedo kado ka kitye ka tito gin mutimme bot ngat mukene, pi meno, gwokke adada, ka pe ingeyo kit ma lok meno ocakke kwede. Jo me kacokke gigeno omege ma gitye ki mot me miyo ngec i kacokke, pi meno, myero gugwokke adada ka gitye ka miyo ngec ma pe guniang iye maber

• ‘Lok man mono balo nying ngat mo?’ Ka lokke balo nying ngat mo, ci bedo ber pe me rweyone.​—Car 18:8; Pil 4:8

• ‘Tika ada atwero ye lokke?’ Gwokke adada ka itye ka winyo lok mo ma otimme ma nen calo adane pe

NEN VIDIO MA WIYE TYE NI ATWERO JUKO KWOTO NYING NINING? CI IGAM LAPENY MAGI:

• 

  Ma lubbe ki Carolok 12:18, lokwa twero kelo peko nining?

• 

  Jo Pilipi 2:4 konyowa nining me yero lok ma waboko i kom jo mukene?

• 

  Gin ango ma myero watim ka kicako lok marac i kom ngat mukene?

• 

  Lapeny mene ma myero wapenye kwede ma peya wacako lok i kom jo mukene?