Tika Itwero Jalo Cawa ki Keroni?

Kit ma lanebi Icaya otito con, watye ka neno kit ma dul pa Jehovah ma i lobo kany tye ka dongo kwede. (Ic 54:2) Macalo adwogine, myero kimed Odi me Ker, Odi me Gure ki dong jang gang kal manyen. Ka kigero Odi magi ci omyero kigwokgi maber dok kirocgi i nge kare mo. Man weko watiyo ki cawa kacel ki kerowa pi Jehovah nining?

• Watwero nywako i gwoko lengo i Ot me Ker ka oo i komwa

• Watwero jalle me nongo pwonnye me gwoko Ot me Ker

• Watwero pongo fom me Local Design/Construction Volunteer Application (DC-50) ka wamito miyo kony me gero ki gwoko Odiwa me woro macok kwedwa

• Watwero pongo fom me Application for Volunteer Program (A-19) ka wamito jalle me miyo kony pi cabit acel nyo makato i Betel nyo opic mo keken ma i lobowa

NEN VIDIO MA WIYE TYE NI KITYE KA GOYO PULAN ME GEDO MUKENE​—BUTE MANOK, CI GAM LAPENY MAGI:

• Tit kong kit ma watye ka tic kwede ki vidio mapol i kare-ni nicakke 2014

• Yub ango ma kitye kwede me yubo vidio pi worowa, tic me gedone bicakke dok bigik awene?

• Utmege gitwero jalle pi tic man nining?

• Pingo myero wapong fom (DC-50) ki dok wanywak i gero odi me worowa macok kwedwa ka wamito nywako i tic me gedo ma i Ramapo?

• Gin ango ma nyuto ni Jehovah aye tye ka “doro” yub man?

• Watwero tyelo kor yub man nining kadi bed pe watwero cito kunu wan kikomwa?