Wanyuto Mar ka Wacwako Kit ma Jehovah Miyo ki Tira

Ka kiryemo latim bal ma pe ongut ki i kacokke, man pwonyo latim bal-li dok gwoko wa kacokke. (1Kor 5:6, 11) Ka wacwako tam meno, ci wanyuto mar. Ento man nyuto mar nining, ka tam meno kelo aremcwiny bot ngat ma kiryemo-ni, botwa, bot wadine ki dong luelda?

Gin acel ma pire tek loyo aye ni wanyuto ni wamaro nying Jehovah ki rwom me kwo ma en mito. (1Pet 1:14-16) Wanyuto mar bene bot ngat ma kiryemo-ni. Kadi bed tira man lit, ento twero konyo latim bal-li me doko ngat ma kite atir. (Ibru 12:5, 6, 11) Ka wamedde ki ribbe ki ngat ma kiryemo ki i kacokke nyo ma oa woko pire kene ci man weko pe wanongo adwogi mabeco ma bino pi lubo tira pa Jehovah. Wi opo ni, Jehovah miyo tira bot jone ki mar dok ‘i yo mupore.’ (Jer 30:11) Myero wamedde ki cwako yo ma Jehovah tiyo kwede me tiro jone, dok wamedde bene ki jingo watwa ki Jehovah ka nongo wakuro kare ma ngat meno bidwogo cen bot Wonwa ma lakica-ni.​—Ic 1:16-18; 55:7.

NEN VIDIO MA WIYE TYE NI BED LAGEN KI CWINYI DUCU, CI IGAM LAPENY MAGI:

• 

  Lunyodo ma Lukricitayo giwinyo nining ka latingi oweko Jehovah?

• 

  Kacokke twero konyo jo me ot ma lugen-ni nining?

• 

  Gin ango mutimme ma kicoyo i Baibul ma nyuto ni marwa pi Jehovah myero obed tek loyo pi lupacowa?

• 

  Marwa pi Jehovah twero bedo tek loyo pi lupacowa nining?