Ngo ma dong itye ka timone wek ibed ma ipore pi batija?
KWOWA MACALO LUKRICITAYO
Mok Tammi me Tic pi Jehovah
Ka itye latit kwena ma peya onongo batija nyo latin kwan me Baibul, tika itye ki yub me nongo batija? Ka idyero kwoni bot Jehovah dok inongo batija, ci ibibedo ki wat macok adada ki Jehovah. (Jab 91:1) Dok bene en bilari i anyim. (1Pet 3:21) Gin ango ma myero itim wek ibed ma ipore pi batija?
Mok in kikomi ni man ada. Ka itye ki lapeny mo, tim kwed me nongo lagamme. (Rom 12:2) Tim alokaloka ma mitte, dok wek mitini obed me yomo cwiny Jehovah. (Car 27:11; Ep 4:23, 24) Leg pi kony kare ducu. Dok bed labongo akalakala ni Jehovah bimini teko kun tiyo ki cwiny mere maleng. (1Pet 5:10, 11) Yelleni pe bipoto nono. Tic pi Jehovah aye yo me kwo ma pud dong ber loyo!—Jab 16:11.
NEN VIDIO MA WIYE TYE NI GIN MA MYERO ITIM WEK IBED MA IPORE PI BATIJA, CI IGAM LAPENY MAGI:
Ariya ango ma jo mukene guloyo wek ginong batija?
Itwero dongo niye ma bikonyi me dyero kwoni bot Jehovah nining?
Gin ango ma otugo cwiny jo mukene me nongo batija?
Mot ango ma jo ma gitiyo pi Jehovah ginongo?
Dyere ki batija tyen lokke ngo?