Nyut Mar i Kwo me Ot

Mar bedo calo odok ma ribo jo me ot kacel. Labongo mar, bedo tek adada bot jo me ot me bedo ki kuc dok ma gunote i kingi. I yo ma nining ma laco, dako, ki lunyodo gitwero nyuto kwede mar bot jo me otgi?

Laco ma maro dakone tamo pi miti pa dakone, tamme ki kit ma dakone winyo kwede. (Ep 5:28, 29) Miyo jami me kom ki me cwiny ma mitte pi jo me ode, man kwako bedo ki yub pi Woro me Otyeno pi Jo me Ot. (1Tem 5:8) Dako ma maro cware mine i te loc pa cware dok ‘woro cware.’ (Ep 5:22, 33; 1Pet 3:1-6) Laco ki dako myero gubed atera me timo kica i kingi. (Ep 4:32) Lunyodo ma maro lutinogi ginyuto ni giparo pi lutinogi ki acel acel dok gipwonyogi me maro Jehovah. (Nwo 6:6, 7; Ep 6:4) Ariya ango ma lutinowu gitye ka wok ki iye i gang kwan? Gitye ka lweny nining ki lyeto ma a ki bot luwotgi? Ka jo me ot ginyuto mar i kingi, ci dano ducu ma i gang meno giwinyo agonya dok ma cwinygi opye mot.

NEN VIDIO MA WIYE TYE NI NYUT MAR MA PE GIK BOT JO MA I OTTI, CI IGAM LAPENY MAGI:

• 

  Laco ma maro dakone tero dakone nining?

• 

  Dako ma maro cware nyuto nining ni eworo cware?

• 

  Lunyodo ma gimaro lutinogi gipwonyo lutinogi lok i kom Lubanga nining?