Leg pi Kony pa jehovah

Jehovah aye weko kodi me lok me ada dongo i cwiny dano. (1Kor 3:6-9) Pi meno, wek wanong adwogi maber i tic me pwony, omyero wajenge i kom Jehovah wek okony wan kacel ki lutino kwanwa me Baibul.

Leg Jehovah wek okony latin kwanni me kanyo lyeto ki me loyo ariya ma en kemme kwede. (Pil 1:9, 10) Tit bot Jehovah gin ma imito kikome. Leg pi cwiny maleng wek odor tammi ki ticci. (Luka 11:13) Pwony latin kwanni kit me lega dok icuk cwinye me lega. Leg pi latin kwanni dok kacel kwede kun ilwongo nyinge i legani.

NEN VIDIO MA WIYE TYE NI NONG YOMCWINY I TIC ME PWONY—YE KONY PA JEHOVAH—LEGA, CI IGAM LAPENY MAGI:

• Ariya ango ma Betty okemme kwede i kwangi kacel ki Precious?

• Lok ma kicoyo i 1 Jo Korint 3:6 okonyo Betty nining?

• Betty ocobo peko ma en okemme kwede-ni nining?