Jo Matino—Wuyab Cwinywu Bot Lunyodowu

Pingo myero itit gin ma tye i cwinyi bot lunyodoni? (Car 23:26) Pien Jehovah ominigi tic ni gugwoki dok guteli. (Jab 127:3, 4) Bibedo tek bot lunyodoni me konyi ka pe itito botgi parri ki peko ma itye ka wok ki iye. Dok ibikeng nongo pwony ki i kwo ma guwok ki iye. Tika rac ka pe iwaco bot lunyodoni jami ducu? Pe rac gire—tek-ki pe ibwologi abwola.—Car 3:32.

Itwero lok ki lunyodoni nining? Yer cawa ma opore piri ki pi gin bene. Ka meno pe twere, ci itwero coyo waraga bot ngat acel i kingi kun itito kit ma iwinyo kwede. Gin ango ma myero itim ka gimito lok i kom gin mo ma pe imito lok iye? Wi myero opo ni gimito konyi. Nen lunyodoni macalo luremi ento pe lumoneni. Ka itute me tito tammi bot lunyodoni, ci ibinongo adwogi maber pi kwoni ducu—kadi wa kwo ma pe tum!—Car 4:10-12.

NEN VIDIO MA WIYE TYE NI KWONA MACALO BULU—ATWERO LOK KI LUNYODONA NINING? CI IGAM LAPENY MAGI:

• 

  Gin ango ma Esther ki Partik guniang madok i komgi?

• 

  Gin ango ma ipwonyo ki i lanen pa Yecu?

• 

  Lunyodoni gunyuto nining ni giparo piri?

• 

  Cik ma igi lac mene me Baibul ma twero konyi me lok ki lunyodoni?