Pwony ma Wanongo ki Bot Camuel

Camuel omedde ki bedo lagen bot Jehovah pi kare me kwone ducu. I kare ma en pud awobi, en okwero timo jami maraco ma awobe pa Eli ma nyinggi Kopuni ki Finekaci onongo gitimo-ni. (1Cam 2:22-26) Ma Camuel woto ki dongo, Jehovah omedde ki bedo kacel kwede. (1Cam 3:19) Macalo ngat ma oteggi, Camuel omedde ki bedo lagen bot Jehovah kadi bed awobene onongo pe gitye lugen.—1Cam 8:1-5.

Gin ango ma watwero pwonyo ki i lanen pa Camuel? Ka pud itidi, bed ki gen ni Jehovah niang pekki ma itye ka wok ki iye ki kit ma iwinyo kwede. En twero konyi me cung matek. (Ic 41:10, 13) Ka itye lanyodo ma latinne oweko woro Jehovah woko, itwero nongo cukocwiny ka iniang ni Camuel onongo pe twero diyo awobene madongo-ni me lubo cik pa Jehovah. En oweko jami ducu i cing Jehovah dok omedde ki gwoko gennene ki yomo cwiny Wonne ma tye i polo, Jehovah. Lanenni maber-ri twero gudo cwiny latinni me dwogo cen bot Jehovah.

NEN VIDIO MA WIYE TYE NI NONG PWONY KI BOTGI—CAMUEL, CI IGAM LAPENY MAGI:

• 

  Camuel onyuto tekcwiny nining i kare ma en pud awobi?

• 

  Daniel onyuto tekcwiny nining?

• 

  Camuel onyuto lanen maber nining i kare ma dong oteggi?

• 

  Lunyodo pa Daniel gunyuto lanen maber nining?