LONYO MA TYE I LOK PA LUBANGA

Yer Ngat ma Ibinyomme Kwede ki Ryeko

Solomon pe onyuto ryeko i kare ma onyomo mon ma giworo lubange me goba (1 Luker 11:1, 2; w18.07 16 para. 7)

Motmot, mon pa Solomon guloko cwinye woko ki i woro Jehovah (1 Luker 11:3-6; w19.01 14 para. 6)

Kiniga omako Jehovah adada i kom Solomon (1 Luker 11:9, 10; w18.07 17 para. 9)

Cal: Lamego ma wiye nono tye ka kwan pire kene kun woto ki tam i kom omego mo ma wiye nono bene. 1. Omego-ni tye ka miyo lagam i cawa me cokke. 2. Tye ka nywako i miyo caden i dye lwak. 3. Tye ka miyo kony me yubo ka ma oballe i Ot me Ker.

Lok pa Lubanga ciko Lukricitayo me nyomme “i kin jo pa Rwot keken.” (1Kor 7:39) Ento, kadi bed ngat moni onongo batija, meno pe tyen lokke ni en dong opore me anyoma. Tika ngat meno bikonyi me medde ki woro Jehovah ki cwinyi ducu? Tika en dong onyuto mar matut pi Jehovah pi kare malac? Ma pud pe imoko tammi me nyomme, ter kare mo olo me ngeyo ngat ma imito nyomme kwede-ni maber.