KWOWA MACALO LUKRICITAYO
Temme me Niang Tam pa Lubanga
Wamito yomo cwiny Jehovah i jami ducu ma watimo. (Car 27:11) Me timo meno, myero wamok tam ma lubbe ki neno pa Jehovah kadi bed pe tye cik mo ma loko atir atir i kom gin ma wamito timone-ni. Gin ango ma twero konyowa me timo meno?
Bed ki yub me kwano Baibul kare ducu. Kare ducu ka watye ka kwano Baibul, bedo calo watye ka cwalo cawa kacel ki Jehovah. Watwero pwonyo kit ma Jehovah tamo kwede ki i neno kit ma en otero kwede jone ki dong kwano lok i kom jo ma gutimo jami ma Jehovah neno ni ber nyo rac. Ka mitte ni wamok tam mo, cwiny maleng pa Jehovah twero konyowa me po i kom pwony ma pigi tego nyo cik ma igi lac ma wapwonyo ki i Lok pa Lubanga.—Jon 14:26.
Tim kwed. Ka mitte ni imok tam mo, pennye kekeni ni, ‘Tyeng mene nyo gin ango ma kicoyo i Baibul ma twero konya me niang kit ma Jehovah winyo kwede i kom lok man?’ Leg pi kony pa Jehovah, dok iti ki jamiwa me kwedo lok ma nonge i leb ma iniang iye wek okonyi me nongo cik ma igi lac me Baibul ma kwako lok meno.—Jab 25:4.
NEN VIDIO MA WIYE TYE NI MYERO ‘WARINGU NGWEC PYEM MA TYE I NYIMWA, KUN WACIRO’—CAM CAM MA MOCE TYE, CI IGAM LAPENY MAGI:
Lyeto ango ma laminwa ma i vidio-ni owok ki iye?
Itwero tic ki jamiwa me kwedo lok nining ka itye ka wok ki i peko acel-li?
Adwogi mabeco ango ma wanongo ka wakwanyo kare me timo kwed ki dong kwan piwa kenwa i yo ma twero konyowa me moko tam mabeco?—Ibru 5:13, 14