Tika Itye ka Tic ki Baibul ma Kimako Amaka i Dwan?

Baibul ma Kimako Amaka i Dwan me New World Translation ma kitimo alokaloka iye-ni, kibedo ka cwalone woko kare ki kare i leb mapol mapatpat. Gin acel ma pire tek i Baibul ma kimako amaka i dwan-ni aye ni, kitiyo ki dwan omege ki lumege mapatpat pi jo ma gitye ka lok i wang Baibul moni. Kikwano lokke ki dwan mupore dok ma lubbe ki kit ma ngat meno onongo tye ka winyo kwede wek waniang kwena me Baibul maber.

Jo mogo gitye ka nongo adwogi maber ki i tic ki Baibul ma kimako amaka i dwan-ni nining? Pol pa jo ma giwinyo Baibul ma kimako amaka i dwan-ni gimaro kit ma dwan man weko kwano Baibul bedo mit kwede. Ginongo ni winyo dwan jo mapatpat weko gibedo ka goyo i wigi jami ma tye ka timme i tyeng meno dok weko giniang maber gin ma kicoyo. (Car 4:5) Jo mapol bene ginongo ni winyo Baibul ma kimako amaka i dwan kweyo cwinygi ka gitye ki par.—Jab 94:19.

Winyo ka kikwano Lok pa Lubanga i dwan malongo twero gudo kwowa adada. (2Tekwaro 34:19-21) Ka Baibul ma kimako amaka i dwan tye i leb mo ma iniang iye, ci pingo pe iket macalo yubbi me winyone kare ki kare?

NEN VIDIO MA WIYE TYE NI KIT MA KIYUBO KWEDE BAIBUL MA KIMAKO AMAKA I DWAN—BUTE MANOK, CI IGAM LAPENY MAN:

Gin ango ma yomo cwinyi i kom kit ma kiyubo kwede Baibul ma kimako amaka i dwan?