KWOWA MACALO LUKRICITAYO

Nyut Mar ma Pe Lokke Calo Jehovah

Jehovah aye lanen maber loyo me mar ma pe lokke. (Jab 103:11) Man pe obedo kodi mar ma wawinyo pi kare mo manok keken ci rweny woko. Mar ma pe lokke kwako bedo ki wat ma moko matek dok ma pe gik. Jehovah onyuto mar ma pe lokke bot Luicrael i yo mapol. En olarogi ki i opii i Ejipt ci oterogi i Lobo ma Kiciko Pire. (Jab 105:42-44) En olwenyo pi jone dok obedo ka timmigi kica pi balgi. (Jab 107:19, 20) Ka ‘wabedo ka tam matut i kom mar ma pe lokke pa Jehovah,’ man bitugo cwinywa me lubo lanenne.—Jab 107:43.

Cal: Cal ma jenge i vidio ma wiye tye ni “Tam Matut i Kom Mar ma Pe Lokke pa Jehovah.” 1. Omego Ben ki omego mukene gulimo lamego mo i gange. 2. Omego Ben, ma dong tye i buc kacel ki omege mukene, tye ka miyo ginacama mo ki omego acel ma kome lit dok obuto i wi kabuto.

NEN VIDIO MA WIYE TYE NI ‘TAM MATUT I KOM MAR MA PE LOKKE PA JEHOVAH,’ CI IGAM LAPENY MA LUBO:

I yo ango ma watwero nyuto kwede mar ma pe lokke?

Your answer
Pingo myero wajal jami mogo ka wamito nyuto mar ma pe lokke?

Your answer