KWOWA MACALO LUKRICITAYO

Kony Jo ma Pe Gubedo Ludini me Ngeyo Lacwecgi

Tika ilworo miyo caden bot jo ma pe gubedo ludini kun itamo ni pe gibiwinyo lokki? Ka tye kit meno, wi opo ni jo mapol ma onongo pe gubedo ludini—kadiwa jo ma onongo pe giye i kom Lubanga—gudoko Lucaden pa Jehovah. Pol kare, gimito kony me neno gin ma moko ni Lubanga tye.—Rom 1:20; 10:14.

NEN VIDIO MA WIYE TYE NI WI OPO NI—JO MA PE KI NIYE GITWERO DONGO NIYE!—JO MA PE LUDINI, CI IGAM LAPENY MAN:

Gin ma otimme i kom Tommaso-ni konyi nining me bedo ki neno matir i kom miyo caden bot jo ma pe gubedo ludini?

Co lagammi

Kit me timone

Ka ngat mo owacci ni en pe eye i kom Lubanga, nyut cwiny me kica, lok ki diro, dok inyut ni itye ki miti me ngeyo tamme ki kit ma en winyo kwede i kom lok meno. (2Tem 2:24) Wunyam pwony ma en twero bedo ki miti iye. Tika en tye ki miti me nyamo lok i kom gin ma oweko jo mapol dong giye ni Lacwec tye? Ka tye kit meno, ti ki ginakwanawa nyo vidio ma loko i kom pwony meno. Brocuwa me Was Life Created? ki The Origin of Life—Five Questions Worth Asking dong kityeko medogi i kin Jami Ticwa ma Pigi Tego me Pwony wek nongogi obed yot.

I acakki, itwero bedo ki lworo me nywako ada ki ngat mo ma pe ye ni Lubanga tye. Pingo pe ipeny kony ki bot latit kwena mo mucwiny? Wi bene myero opo ni Jehovah twero konyowa me gudo cwiny jo ma myero me nongo kwo ma pe tum—kadi bed i acakkine onongo pe giye ni Lubanga tye.—Tic 13:48.