Tam Ma Twero Konyi

Nong Lonyo me Cwiny Madok i Kom Kit pa Jehovah

Ka watye ka kwano Baibul, watwero tic ki jami me kwedo lok mapatpat wek okonywa me niang maber. Ento pe wamito kwan ki miti me medo ngecwa keken. Wamito nongo lonyo me cwiny madok i kom kit pa Jehovah ma bikonyowa me dongo marwa pire. Me timo man, watwero pennye kekenwa ni, ‘Wang Baibul man pwonya gin ango madok i kom kit pa Jehovah?’

Me labolle, itwero kwedo lok wek iniang yo ma Jehovah onyuto kwede kite me mar, ryeko, ngolo kop atir, ki teko. Ento, tye kit pa Jehovah mukene mapol ma itwero timo kwed iye. Itwero nongo ngec madok i kom kite magi ki kwene?

I Buk ma Konyo Lucaden pa Jehovah me Kwedo Lok, yeny wi lok ma waco ni “Lubanga Jehovah” ki wi lok matidi ma waco ni “Kit pa Jehovah.” I nge meno, yeny kit moni kikome ma itye ka kwano pire i kwanni me Baibul.