Gin ma Itwero Timo i Kwanni Piri Keni Nyo Kwanwu Macalo Jo me Ot

Waworo Jehovah ka wacokke kacel ki jo mukene i cokkewa, gure me adwol, ki gure madito. Ento wawore bene ka watye kenwa nyo macalo jo me ot. Nen kong tam mogo ma twero konyi i cawa me kwan piri keni nyo macalo jo me ot:

• Yubbe pi cokke. Wutwero bene pwonyo wer ma kibiwero i cokke kacel ki konyo jo ducu me yubo lagam ma gibimiyo i cokke.

• Wukwan gin mo mutimme ma kicoyo pire i Baibul. I ngeye, wugo cal ma lubbe ki gin ma wukwano-ni nyo wuco piny gin ma wupwonyo ki iye.

• Wunyam lok i kom lega mo ma nonge i Baibul ki kit ma lega meno twero konyowu me dongo rwom me legawu.

• Wunen vidio mo ki i jw.org ci wunyam lokke kacel nyo wuco piny jami ma wumaro ki i vidio meno.

• Wuyubbe pi tic me pwony. Ngat acel twero poro bedo rwod ot ma ibitito kwena bote-ni.

• Wungi cwec ci wunyam gin ma cwec meno pwonyowu i kom Jehovah.a