Kit me Ciro Ngolo Kop Alenga

Kwan Acakki 37:​23-28; 39:​17-23 me pwonyo gin ma otimme i kom Yucepu i kare ma kingolo kop alenga i kome.

Tute me niang gin ma otimme maber. Pingo jo mukene gutero Yucepu marac? (Acak. 37:​3-11; 39:​1, 6-10) Yucepu okanyo tim me ngolo kop alenga pi kare marom mene? (Acak. 37:2; 41:46) I kare meno, gin ango ma Jehovah otimo me konyo Yucepu, ento gin ango ma Jehovah pe otimo?—Acak. 39:​2, 21; w23.01 17 ¶13.

Tim kwed. Kadi bed adot ma dako pa Potipar omoro i kom Yucepu pe obedo ada, Baibul pe tittiwa ni Yucepu okok i kom dako meno pi lok goba man. Wang ginacoya magi twero konyowa nining me niang pingo Yucepu omoko tamme me ling alinga dok pingo pe mitte ni wange jami ducu mutimme? (Car. 20:2; Jon 21:25; Tic 21:37) Kit mabeco ango ma nen calo okonyo Yucepu me kanyo ngolo kop alenga magi?—Mika 7:7; Luka 14:11; Yak. 1:​2, 3.

Pwony ango ma inongo? Pennye kekeni ni:

• ‘Ngolo kop alenga ango ma twero timme i koma macalo lalub kor Yecu?’ (Luka 21:​12, 16, 17; Ibru 10:​33, 34)

• ‘Gin ango ma atwero timone i kare-ni ma twero konya kanyo ngolo kop alenga?’ (Jab. 62:​7, 8; 105:​17-19; w19.07 2-7)