Pingo Lucaden pa Jehovah Pe Gitiyo ki Yatariya i Worogi?

Jo mapol gineno yatariya calo lanyut pi dini pa Lukricitayo. Kadi bed Lucaden pa Jehovah gubedo Lukricitayo, ento wan pe watiyo ki yatariya i worowa. Pingo?

Tyen lok acel aye ni Baibul nyuto ni Yecu pe oto i kom yatariya ento oto i kom yat. Medo i kom meno, Baibul ciko Lukricitayo matek ni ‘gugwokke ki woro cal,’ dok man kwako tic ki yatariya i worogi.—1 Jo Korint 10:14; 1 Jon 5:21.

I kom lok, Yecu owaco ni: “Pi man dano ducu bingeyo ni wun lupwonnyena, ka mer tye i kinwu.” (Jon 13:34, 35) Kakany, wanongo ni Yecu owaco ni mar—ento pe yatariya nyo cal mukene—aye binyuto lulub kore me ada.