Bed Ngat ma Timo Kica

1. Pi marre Jehovah

Omiyo mic me Wode

Wek kitim kica pi balwa

Ki dok kikwany to woko.

Ka ce watye ki cwiny me ngut,

En timo botwa kica

Pi ginkok pa Yecu Kricto,

Wan walego i nyinge.

2. Wanongo kica man

Ka waporo Lubanga

Watimo kica i kinwa,

Kun wanyutu ber ki mar.

Wakanyu bal pa luwotwa,

Pe wabedo ki kec cwiny;

Waworo bene utmego,

Wanyutu twon mar madit.

3. Kica en kit maber

Ma mitte ni wan wadong.

Pien weko wan pe wakeco,

Nyo bedo ki adage.

Ka ce waporo Jehovah,

Ma en Lamar tutwal-li,

Wabibedo lutim kica;

Wabibedo calo Rwot.