Buk pa Lubanga​—Obedo Lonyo

1. Tye buk acel ma pote pol atika,

Kelo kuc ki yomcwiny ki gen bot jo.

Lok ma iye tye ki twon teko madit;

Miyo jo “muto” kwo, dok “yabo wang.”

Buk meno obedo Baibul Maleng.

Lumar Lubanga aye mucoyo,

Kicoyo pi teko pa Rwot Jehovah,

En otiyo ki cwiny mere maleng.

2. Gucoyo lok i kom cwec pa Lubanga,

Kit ma ocweyo lobo ki teke.

Gutito kit ma jo on’ngo pe ki bal

Dok kit ma Paradic orweny kwede.

Guloko i kom malaika acel

Ma opyem ki Lub’nga kun dag locce.

Pyem man okelo bal ki twon can madit,

Rwot cokki dong bikelo loc mere.

3. Kombeddi wakwo i kare me yomcwiny.

Kricto dong tye Rwot me Ker pa Lub’nga.

Man nino ma Jehovah miyo larre

Bot jo ducu ma ye bino bote.

Wanongo kwena me yomcwiny i buk man;

Ma tye ki cam ma myero wan wacam.

Kelo kuc ma jo pe romo kelone;

Dano duc myero gukwan Lonyo man.