WER 90
Wucuk Cwiny Luwotwu
Kit ma Nen Kwede i Buk Kikome
(Jo Ibru 10:24, 25)
1. Ka wan wacuko cwiny luwotwa
Me tic pi Jehovah ki gen,
Wanongo ni wat i kinwa jing;
Tic mabeco kelo note.
Mar ma i kin jo pa Lubanga
Miyowa tekcwiny me kanyo.
Kacokkewa aye kakane,
Ka ma wanongo gwok iye.
2. Lok ma kiloko i karene
Pud dong kweyo cwiny dano ya!
Wan wawinyo lok me kwecwiny man
Ki bot lurem ma wageno.
Pud dong ber mada me tic kacel
Ki jo ma nywako gen acel!
Wayelle me jingo luwotwa
Wakonyogi me tingo yec.
3. Kit ma wangwa me niye neno
Cok pa nino pa Jehovah,
Cokkewa kacel mitte mada
Me medde ki wot i yone.
Notewa ki jo pa Jehovah,
Miyowa gen me tic naka.
Pi man wacuko cwiny luwotwa
Me cung matek i gennewa.
(Nen bene Luka 22:32; Tic 14:21, 22; Gal. 6:2; 1 Tec. 5:14.)