Wer 60
En Bimiyi Kero
Kit ma Nen Kwede i Buk Kikome
(1 Petero 5:10)
1. Lub’nga omiyo lok me ada pi tyen lok
Enlwongi ki i col piny i dero.
Dong oneno miti ma tye i cwinyi duc,
Me yenye ki timo jami matir.
Ikwonge me timo miti mere;
En yam okonyi, dok pud bikonyi.
(CHORUS)
In imege, owili ki remo pa Yecu.
Dong ibicung matek, en bimini kero.
Bitelli dok bigwokki, kit ma otimo con.
En bimiyo icung, dok ibedo matek.
2. Rwot omiyo Wode me amara piri;
Pi meno dong, En mito ni ikwo.
Kit ma En pe okwero cwalo Wodeni,
Bed ki gen ni en bimini kero.
Wiye pe biwil i kom niyeni;
Pien En pe biweko jone ata.
(CHORUS)
In imege, owili ki remo pa Yecu.
Dong ibicung matek, en bimini kero.
Bitelli dok bigwokki, kit ma otimo con.
En bimiyo icung, dok ibedo matek.
(Nen bene Rom. 8:32; 14:8, 9; Ibru 6:10; 1 Pet. 2:9.)