Wer 7
Dyere pa Lukricitayo
Kit ma Nen Kwede i Buk Kikome
(Jo Ibru 10:7, 9)
1. Kit ma Jehovah ocweyo
Jami ducu maber,
Polo wa ki lobo ducu,
Obedo tic cinge.
En omiyo yweyo me kwo
Dong en onyutu ni
Epore me nongo pak ducu,
Ki woro pa jo mere.
2. Kibatija Yecu i pii
Pi cobo gin matir.
En olego bot Lub’nga ni:
‘Abino i ticci.’
Ma en oa ki i Jordan
Ma kityeko wire,
En ocako tic pi Lubanga
Calo Ngat ma odyere.
3. Wacung i nyimi, Jehovah,
Pi pako nyingi Rwot.
Wajalo kwowa duc boti
Ki cwinywa me mwolo.
I miyo pi culo balwa,
Wodi acel keken.
Dong pe wabikwo piwa kenwa,
Pi in wabikwo nyo to.
(Nen bene Mat. 16:24; Mar. 8:34; Luka 9:23.)